Start på nytt læreår

18 lærlingar er knytt til Lærlingkontoret Gudbrandsdal. Det er rekord.

1.rekke, frå venstre: Ruth Øien Mæhlum, dagleg leiar Thon Hotel Otta – Dan Robin Leirvåg, kjøkkensjef Vianvang – Eivind Volden, kokkelærling Furuhaugli Turisthytte - Christina Haugerud Ellingsen, reiselivslærling Rondane Høyfjellshotell – Silje Marie Ulsand Brekken, kokkelærling Lemonsjø Fjellstue – Elisabeth Døhlen Wang, reiselivslærling Lemonsjø Fjellstue – Lisbeth Risheim, kokkelærling Bessheim Fjellstue – An-Magrit Bjørnerås Langøien, kokkelærling Vianvang, Livia Hølmo Sauter, reiselivslærling Fjellmuseet i Lom – Sindre Kristiansen Ruste, kokkelærling Vianvang – Arne Brimi, Vianvang – Ragnhild Sjurgard, vert Bessheim Fjellstue – Tor Ivar Furuset, kokk/vert Lemonsjø Fjellstue. 2.rekke, frå venstre: Ole Petter Christensen, dagleg leiar Rondane Høyfjellshotell – Jeanette Christoffersen, kokk Sundheim – Lisa Gilje Pedersen, bakerlærling Bakeriet i Lom – Hans Bjørnstad, kokkelærling Thon Hotel Otta – Stian Kronstad Baukhol, kokkelærling Pillarguri Kafe – Mikkel Brekke, bakerilærling Bakeriet i Lom – Hans Hesthagen, bakerilærling Bakeriet i Lom – Oskar Devig Olsen, kokkelærling Bessheim Fjellstue – Niklas Waade Sørnes, kokkelærling Brimi Fjellstugu – Anette Lyngstad, lærling institusjonskokk Sundheim – Terje Storødegård, baker Ødegaarden Baker. 3. rekke frå venstre: Thomas Fransplass, kokk Pillarguri – Bjørg Aaseng Vole, dagleg leiar opplæringskontoret – Bjørn Ekerbakke, kokk Bessheim Fjellstue – Inger Lise Vorkinn, kokk/dagleg leiar Furuhaugli Turisthytte. Foto: Arve Danielsen / Fjuken

ARVE DANIELSEN

Førre torsdag var lærlinger i kokk, baker, institusjonskokk og reiseliv samla på Vianvang i Vågå til oppstartsamling. 18 lærlingar er knytt til Lærlingkontoret Gudbrandsdal. Reiseliv var nytt fag i fjor. I februar i år starta institusjonskokk.

– Aldri har vi hatt så mange lærlingar, seier Bjørg Aaseng Vole i Lærlingkontoret Gudbrandsdal.

Opplæringskontoret Brimikjøken starta i 2008. Lærlingkontoret Gudbrandsdal som vart stifta i fjor, er ei forlenging av dette.

– Det er viktig å skape ein felles arena der vi kan formidle ting rundt læretida, seier Aaseng Vole om samlinga på Vianvang. Ho fortel at ein legg vekt på det sosiale miljøet, at lærlingane blir kjente med kvarandre. I løpet av læretida blir det arrangert felles aktivitetar. I tillegg til lærlingar, deltok også lærebedrifter. Lærlingane kjem frå store delar av landet. I tillegg til lærlingar frå Skjåk, Lom, Vågå, Sel, Lesja, Nord- og Sør-Fron, er det lærlingar frå Mosjøen i nord til Sandfjord og Sandnes i sør.