Turane blir gjerne kalla berre «Eldrid-turar», og favner den vaksne generasjonen i bygda. Turane går til forskjellige turmål i Lesja, og det er gjerne med over 30 turglade personer på det meste.
– Det er heilt supert, seier turleiaren om den gode oppslutninga.
I år var det også arrangert overnattingstur, då gjekk turen til Gammelsetra i Sunndalen.
Neste tur går til Vetaberget på Lesjaskog no tysdag, og siste turen for sesongen går til Andbergshø tysdag 1. september. Turen til Vetaberget er framskunda ei veke, og turen frå Reindølsbrue til Årbogen blir utsett til neste år, opplyser Eldrid.