Gutane kosar seg med å øve på dei ulike triksa dei vil ha inn i reportoiret sitt. Somme gonger lagar dei fart ved å sparke frå, andre gonger brukar dei ei rampe. Dei sklir langs kantar, og med føtene dreg dei med seg brettet opp på ulike innretningar. Somme gonger gjev dei brettet eit spark, så det snurrar, samstundes som dei hoppar. Kunsten er å lande riktig på brettet, og suse vidare. Dei ulike triksa har engelske namn, som alle skatere lærer seg.

Henning Braaten ber gutane spørje om hjelp sjølv, og kjem med tips når han ser dei strevar. Han seier at her er det ingen pisk og ingen som må øve på det same som dei andre. Skating er perfekt for dei som ikkje er så glad i organisert aktivitet, men vil halde på i eige tempo. Henning har skata i 23 år og har vunne norgesmeisterskapen 4 år, så han er eit stort førebilete.

- Vi starta med reine skateshow for ni år sidan, men fann snart ut at det var artig å utvikle konseptet og byrje med kurs, fortel han.

- Vi har no hatt skatekurs i 6 år. I år har vi hatt 40 kurs, og dette er faktisk sesongens siste.

Mange flotte svev over Dombås. Foto: Lokalavisa Vigga
Mange flotte svev over Dombås. Foto: Lokalavisa Vigga
I dag var det mykje aktivitet i skateparken - Vi er så glade for at vi fekk denne plassen ifjor, seier Marcus Kleveland. Foto: Lokalavisa Vigga
Adrian Hovaukholen Lyngen øver på «kick flip» Foto: Lokalavisa Vigga
Marcus Kleveland i ein «backside tale slide». Foto: Lokalavisa Vigga
Alle gutane slang seg med med i ei «tic tac» -konkurranse om dvd-ar og Hennings gamle brett. Foto: Lokalavisa Vigga
Tobias Lien og Henning Braaten er fornøgde instruktørar. Foto: Lokalavisa Vigga
Per Erik Eide vart den mestvinnane, og drog heim til Otta med eit utbrukt, ærverdig brett, nye hjul og kul t-skjorte. Foto: Lokalavisa Vigga