Dei song "Royals" av Lorde, samt "some nights" av Fun. Rektor i kulturskulen i Lesja og Dovre, Inger Synnøve Killi, fortalde til Vigga før Nasjonalparkskriket at det var søkt om midlar til eit prosjektkor i kommunene.

- Det er eit veldig ungt kor, og vi vonar vi kan ha det som eit prosjektkor vidare, fortalde Killi.

– Team Dovre har ei sprudlande songglede, dei syng reint, har eit godt stemmemateriale og er svært godt samstemt, slo juryen fast.

Team Skjåk vann publikumsprisen. Nasjonalparkskriket vart arrangert for andre gong i år, med kor frå alle seks kommunane i Nord-Gudbrandsdalen.