Løypekøyrar Bjørn Killi var ute med løypemaskin frå Dombås skistadion til Hjelle seter, samt øvre og nedre Liadroget måndag.
Han kan ikkje dermed garantera at det held særleg lenge, og han reknar ikkje med å gjera alle tillags.
- Når det bles såpass kan det blåse atti sporet att på eit minutt. Med slik vær må ein nok rekne med litt snø i løypa, men underlaget er hardt og fint, så ein skal ikkje dette igjennom, i allefall, seier han.
Å rekke over heile løypenettet til Dovre løypelag tek to og ein halv dag, fortel han.
I morgon reknar han med å køyre mot Villmannbu, sjølv om det er meldt mykje same været.
- Eg freistar likevel, når det er vinterferie, seier han, og fortel at han møtte mange familiar med barn oppover Fjellvegen i dag.
Akershus, Hedmark, Møre og Romsdal, Nord-Trøndelag, Oslo, Rogaland, Sogn og Fjordane, Sør-Trøndelag, Telemark, Vestfold og Østfold har vinterferie denne veka.