Berre åtte nye fjes såg dagens lys i Lesja i fjor. Da må det stellast godt med både mor og barn. Førre veke starta barseltrimmen oppatt. Eit kommunalt tilbud, som også har vore tidlegare år, men som ikkje var gjennomført i fjor. Fire mødre møtte opp på første timen. Her var det fokus på korleis ein kan få kroppen i godt gjenge att, etter påkjenninga det er å få ein ny lesjing. For eksempel tek det seks til åtte veker etter ein fødsel før leddbanda er attende på plass. Dei spreke mødrene har også planar om å få i gang trillegruppe torsdagar.

- Dette er bra, eg er ikkje så flink til å trimme åleine. Og det er fint å møte andre i same situasjon som ein sjølv, seier Kristine Bøe

- Det sosiale har mykje å seie, og det er ikkje alltid det er så givane å gå tur åleine heller, seier Lisa-Marie Thøring.