Lesjaordførar Steinar Tronhus og varaordførar Per Arnold Backe frå Dovre, har stor tru på at prosjektet dei har sett i sving blir bra. Fyrst skal ein prøveproduksjon i gang, slik at arbeidsoppgåver er klare til deltakarane i varig tilrettelagt arbeid får att arbeidet sitt.
126 ulike garasjar
I bygget, som Lesja og Dovre no eig i lag, har ein allereie sett i gang med førebuingar for produksjonen av garasjeelement.
- Vi vonar det skal bli ein prøveproduksjon til Maxbo så fort som råd, seier Roger Elsrud, som er i gang med å setje opp arbeidsbord til montering av garasjeelement. Det blir truleg naudsynt å ta inn folk ganske snart.
Heile 126 garasjevariantar skal det vera råd å få til av elementa som skal produserast her. Seksjonar til ettermarknaden på Giax-porten kan også bli aktuelt. Men sjølve Maxbo-garasjen skal ha ståldør ...
Garasjeproduksjonen skal skje i samarbeid med Nygaard Byggsystemer, som har på plass kontakt med byggevarekjeda Maxbo.
I løpet av våren vonar ein å få på plass alle arbeidsplassane, også tilbodet om VTA. Kor mange VTA-plassar det kan bli , er opp til NAV- Oppland, og deira rammer. Tidlegare har det vore sett eit tak på opp mot ni plassar for Dovre og Lesja til saman.
