Runar bur i Ålesund, og har hytte på Bjorli, og er sjølv reinsjeger. Han har vore ein ivrig friluftsmann i alle år, og er gjerne ute på turar i fjellene i Lesja både om sommeren og vinteren. Og som historieinteressert plottar han inn steinbuer og fangstgroper på GPSen sin, og har som turmål seinare.
Sølvslire
Det var nett i ei slik ei han fann slira etter fjellkaren Johan Alnæs. I Asbjørnskoia i Asbjørndalen skulle Runar reise opp att ein varde som hadde dutte ned.
– Då såg eg noko som glimta i sola, det var slira, fortel Runar.
Johan Alnæs (1866-1933) frå Rauma er nok mest kjend som bjørnejeger, men var mykje i Reinheimen og jakta rein. Han skal ha skote 11 bjørnar og over 300 rein i løpet av livet sitt. Han var ein original som ferdas mykje i fjella i Reinheimen, og du kan lese meir om Alnæs i vekas Vigga.
Han kjente til historiane om Alnæs, og fortel at han vart nok grepen av stunda då han såg graveringa kring sølvringen: J. Alnæs 1893.
– Det var veldig artig å finne slira, når eg såg kva det var.
Alnæs var kjend for å ha bore med seg mykje utstyr i fjellet, og kniv er sjølvsagt utstyr for garva jegarar. Det var ingen kniv å finne ved slira, som har vore relativt godt bevart i steinbua i kanskje 100 år.
